როდესაც დედა ბავშვთან ერთად სამშობიარო სახლიდან შინ ბრუნდება, ამ დროს მამები ძალიან დაბნეულები არიან. დედები კი ბავშვებს ეჩვევიან. რამოდენიმე დღეში დედას უკვე შეუძლია საკუთარი შვილის ტირილის მიზეზის გარკვევა. ანუ ის არჩევს, თუ რის გამო ტირის პატარა, საჭმლის, თუ მუცლის ტკივილის გამო. სამშობიაროში დედას უკვე აძლევენ პირველად რჩევებს, თუ როგორ უნდა დაიკავოს ბავშვი ხელში, როგორ უნდა აჭამოს ან გამოუცვალოს. მაგამ აი მამა, როცა ხედავს პატარა ბავშვს ფაქტიურად შოკში ვარდება.
პატარა არსება უმიზეზოდ ტირის, თავსაც კი ვერ იჭერს, აბსოლუტურად უსუსურია. ამიტომ მამებს ეშინიათ უხერხული მოძრაობით რამე არ დაუზიანონ პატარას. დედები, კი იმის მაგივრად, რომ აუხსნან მამებს რა და როგორ გააკეთოს, თავის თავზე იღებენ ყველა მოვალეობას და ამით პირველ რიგში საკუთარ თავს აზარალებენ. ამ დროს თავს იჩენს ერთი პრობლემა – ეს არის დროის სიმცირე ახალგაზრდა დედისათვის. პატარა არსებას ძალიან დიდი, ოცდაოთხსაათიანი ყურადღება სჭირდება. ხანდახან დედას საკუთარი თავისთვისაც კი არ რჩება დრო. თავისუფალ დროს დედა ცდილობს უბრალოდ დაიძინოდ. ძალიან კარგია, თუ ამ დროს ახალგაზრდა დედ-მამის გვერდით არიან მშობლები. თუ ეს ასე არ არის და ამავე დროს ქმარი დილიდან საღამომდე მუშაობს, მაშინ მშობიარობის შემდგომი დეპრესია გარდაუვალია. რა უნდა ქნას ამ დროს ქმარმა? როგორ უშველოს თავის საყვარელს მეუღლეს და საკუთარ თავს? პირველ რიგში უნდა ისწავლოს დამოუკიდებლად მოუაროს პატარას. ამაში ხომ რთული არაფერია. მთავარია დაძლიოს შიში იმისა, რომ თავისი მოქმედებით ბავშვს რამეს დაუშავებს. ამის შემდეგ უნდა მისცეს საშუალება დედიკოს რომ გაიაროს მაღაზიებში, ან წავიდეს სტუმრად მეგობართან. რა თქმა უდნა უმჯობესია ეს ორივემ ერთად გააკეთოს, მაგრამ სანამ ბავშვი პატარაა, ეს შეუძლებელია. ძვირფასო მეუღლეებო, გაუკეთეთ თქვენს ულამაზეს ცოლებს კომპლიმენტები. ქალების უმრავლესობა დარწმუნებულია, რომ ორსულობამ მათ გარეგნობა დაუმახინჯა. მათი მკერდი აღარაა ისეთი მკვრივი, სხეულზე სტრიები განუვითარდათ, ზედმეტი კილოგრამები დააგროვეს. არ დაინანოთ არც სიტყვები და არც ფული იმისათვის, რომ მას ასიამოვნოთ და გაახაროთ. ბოლოს და ბოლოს მან ხომ ასეთი მშვენიერი პატარა გაჩუქათ. იყავით ერთად, დაეხმარეთ ერთმანეთს და თქვენი ოჯახური ცხოვრება ახალი ფერებით იბრწყინებს!
|