თუ თქვენ გაინტერესებთ, როგორ უნდა მოიქცე პირველ პაემანზე ისე, რომ ის უკანასკნელ შეხვედრად არ გადაიქცეს. როგორ უნდა დააინტერესოთ მამაკაცი თქვენი პიროვნებით ან როგორ უნდა გამოიწვიოთ საპასუხო სიმპათია – მაშინ აუცილებლად წაიკითხეთ ქვემომდებარე სტატია, რომელიც საუკუთესო ფსიქოლოგების რჩევებზეა დაფუძნებული.
ერთერთ იუმორისტულ გადაცემაში გასული იყო სიუჟეტი ქალისა და მამაკაცის შეხვედრის შესახებ. სადაც ისინი ერთმანეთს მათთვის საინტერესო კითხვებს უსვამდნენ.
მამაკაცი:
-როგორი საჭმელები გიყვარს?ზოდიაქოს რომელი ნიშნის ქვეშ ხარ დაბადებული?რომელი ყვავილები გიყვარს?
ქალი:
-რამდენი ფული გაქვს საბანკო ანგარიშზე?რა მარკის ავტომობილი გყავს?რომელ უბანში ცხოვრობ?

ზუსტად ასეა ცხოვრებაშიც - ქალები პირველივე შეხვედრაზე ამჟღავნებენ საკუთარ არც თუ ისე რომანტიულ ბუნებას. ისინი ისე იქცევიან, როგორც ბანკის თანამშრომელი კრედიტის გაცემისას. სწორედ ეს აშინებთ მამაკაცებს და აიძულებთ იზრუნონ ასეთი ქალისაგან თავის დაღწევაზე.

ძალიან ხშირად პირველი შეხვედრისას ადამიანები პირდაპირ ტყავში ძვრებიან და ცდილობენ თანამოსაუბრემდე მიიტანონ თავიანთი ღირსებები. თუმცა რაც უფრო ცდილობენ, მით უფრო არ გამოსდით და უკუეფექტს ახდენენ. ასეთი პაემანი ერთჯერადია და ხანმოკლე.
ფსიქოლოგიური გამოკვლევების თანახმად – ადამიანის შესახებ პირველადი წარმოდგენა ზუსტად ერთ წუთში იქმნება. შემდეგში ეს შთაბეჭდილება უფრო მყარდება ან პირიქით უარყოფითისაკენ იცვლება.
მაშ როგორ უნდა მოვიქცეთ, რომ ჩვენი პირველი შეხვედრა სასურველ მამაკაცთან პირველივე წუთიდანვე არ დამთავრდეს.
როგორც წესი ჩვენ მოგვწონს ის, ვინც ჩვენსავე თავს გვაგონებს. ასეთ ადამიანებთან უფრო ადვილია საერთოდ ენის გამონახვა და შესაბამისად ნდობის მოპოვებაც უფრო იოლად ხდება. გამოდის, რომ თუ გინდათ, რომ მოეწონოთ კონკრეტულ ადამიანს – დაემსგავსეთ მას. აქ რა თქმა უნდა მხოლოდ ფიზიკური მსგავსება. აქ საუბარია საერთო ინტერესებზე, გემოვნებასა და ინტელექტზე. სულაც არ არის საჭირო თავი უქნიოთ თანამოსაუბრეს ყოველი სიტყვის შემდეგ ან მიბაძოთ ჟესტიკულაციით. საკმარისია,მხოლოდ გადაერთოთ მის ინტერესებზე და მოძებნოთ შეხების წერტილი. თუ ასეთი რამ ვერ მოახერხეთ – არ იდარდოთ! რად გინდათ ისეთი ადამიანი, რომელთანაც საერთო არაფერი გაქვთ?
არსებობს, რამოდენიმე წესი, რომელთა საშუალებითაც არა მარტო დააინტერესებთ ადამიანს, არამედ იმასაც გაარკვევთ ღირს თუ არა მასთან ურთიერთობის დაწყება.

• ძალიან მნიშვნელოვანია საუბრის თემა პირველი შეხვედრის პირველ წუთებში. ამ დროს ყველაზე მომგებიანი თემაა – თავად თქვენი თანამოსაუბრე. ამ დროს გაითვალისწინეთ ის, რომ უნდა ისაუბროთ არა იმაზე, რა გაინტერესებთ თქვენ, არამედ იმაზე თუ რა არის მისთვის მნიშვნელოვანი.
• თუ თქვენ შეძლებთ მოძებნოთ ის სფერო, რაც თანამოსაუბრისათვის ნამდვილად მნიშვნელოვანია მაშინ თქვენ მისთვის ყველაზე საინტერესო ადამიანი გახდებით. მისთვის მნიშვნელოვანი შეიძლება იყოს – ქველმოქმედება, ცხოველები, ურთიერთობები, კარიერა, სხვების დახმარების სურვილი ან სხვ. მაგალითად თქვენ შეგიძლიათ გაარკვიოთ მისი დამოკიდებულება დროის ფლანგვის მიმართ. ცოტა დააგვიანეთ პაემანზე და შემდეგ უთხარით – მესმის თქვენი, არც მე მიყვარს როცა აგვიანებენ! ასე თქვენ მას უფრო დაუახლოვდებით და საუბარს უფრო თბილ, ახლობლურ ხასიათს შესძენთ. რაც უფრო მეტ საერთოს გამონახავთ მასთან მით უფრო დიდი ხნით ექნება მას თქვენთან ურთიერთობის სურვილი.
• ამ ყველაფრიდან გამომდინარე როცა თქვენ შესახებ დაიწყებთ საუბარს ეცადეთ მხოლოდ იმ მხარეებზე ისაუბროთ, რაც დაკავშირებულია თქვენი თანამოსაუბრის ფასეულობებსა და ინტერესებთან.
• იდეალური ვარიანტია, როცა თქვენ ხვდებით ისეთ ადამიანს, რომელიც თქვენთან ერთად ან სკოლაში ან უნივერსიტეტში სწავლობდა. თქვენი პირადი განცდები ემთხვევა ერთმანეთს და ამ საერთო საყრდენზე დაყრდნობით მრავალი საერთო ელემენტის წარმოქმნის საფუძველი ხდება. აი ამიტომაა, რომ სამსახურში ან სასწავლებელში რომანის გაბმა უფრო ადვილია. თვით ყველაზე მარტივი განცდებიც კი, თუ ისინი საერთოა, იწვევს ნდობას და გრძნობას. თქვენ შეგიძლიათ გაიხსენოთ ადგილები, სადაც ერთად იყავით, ხალხი, ვისთანაც გქონდათ ურთიერთობა, საერთო სიტუაციები და ა.შ.
• საუბრის გარკვეულ ეტაპებზე დაუქნიეთ თავი, ჩაურთეთ ისეთი ფრაზები, რითაც გააგებინებთ, რომ მის ტალღაზე ხართ მომართული.
• იმ შემთხვევაში, თუ თქვენ მასთან ერთად არ გაქვთ საერთო გამოცდილება, მაშინ ადვილად შეგიძლიათ შექმნათ ის. წადით მასთან ერთად კინოში ან თეატრში. ყველაზე კარგი იქნება, თუ პირველი შეხვედრა რამე მნიშვნელოვან, დასამახსოვრებელ ადგილას მოხდება. ეს იმისათვის, რომ თქვენ რაც შეიძლება მეტი საერთო ემოცია დაგებადოთ.