თუ ეს თქვენი პირველი ბავშვია, მაშინ ჩვენი რჩევები აუცილებლად გამოგადგებათ. პირველი სიხარული და სიამაყე, რაც თან ახლავს პატარას ამ ქვეყნად მოვლინებას მალე გადის და იცვლება დაძაბულობით, სტრესით და დაღლილობით. თქვენთვისვე უმჯობესი იქნება, თუ იმუშავებთ თქვენს თავზე, უნდა შეეგუოთ ახალ ცვლილებებს. ამ დროს ძალიან გჭირდებათ მეუღლის გვერდით დგომა და დახმარება. იყავით ყურადღებიანი და მზრუნველები ერთმანეთის მიმართ. • დაამზადეთ პატარა ფურცელი წარწერით - ჩუმად!!! და გააკარით თქვენი ოთახის კარებზე. ეს შეახსენეს ყველას რომ დედას და მის პატარას სძინავთ და არ უნდა იხმაურონ. გამორთეთ მობილური ტელეფონი, როცა ისვენებთ და როცა გინდათ, რომ დაიძინოთ. ყოველ დღე გაატარეთ ცოტა დრო მაინც თქვენს მეუღლესთან, იქნება ეს გვიანი ვახშამი თუ გასეირნება. თქვენთვის კარგი იქნება, თუ ცოტა ხანს მაინც გამოიყენებთ ერთჯერად პლასტმასის ჭურჭელს, ამით ზედმეტ საქმეს აიცილებთ თავიდან. შეეცადეთ, რომ იპოვოთ ვინმე ვინც გაგიგებთ. შეიძლება ეს იყოს მეგობარი ან მეზობელი, რომელსაც ასევე პატარა ყავს. თქვენ საერთო თემა გექნებათ და ეს კარგი განტვირთვა იქნება თქვენთვის. შეეცადეთ, რომ პატარას დღე ეღვიძოს, იმისათვის, რომ ღამე დაიძინოს კარგად. ღამის გათევა თქვენს ფსიქიკაზე და ჯანმრთელობაზე უარყოფითად აისახება ძალიან კარგია პატარას დაბანა ღამით, ძილის წინ. ასე ბავშვი ისვენებს და თითქმის მთელი ღამე გაუნძრევლად სძინავს. შესაბამისად ისვენებთ თქვენც. არასოდეს არ აიღოთ მთელი საქმე თქვენს თავზე. ბავშვის მოვლაში ორივე = დედაც და მამაც თანაბრად უნდა მონაწილეობდეს.
|